Gönguferðir, Veiði og afþreying fyrir börnin á Vesturlandi

Góð gönguferð er ómissandi hluti af hverju ferðalagi.

Víða á Vesturlandi eru vinsælar gönguleiðir svo sem Leggjabrjótur sem liggur milli Þingvalla og Botnsdals í Hvalfirði. Síldamannagötur er önnur fjölfarin leið sem er frá botni Hvalfjarðar yfir í Skorradal.

Fjölmargar merktar gönguleiðir eru í nágrenni Húsafells og einnig er búið að merkja leiðir í nágrenni Grundarfjarðar, milli Arnarstapa og Hellna svo og í Þjóðgarðinum.

Víða á Vesturlandi eru aðilar sem bjóða upp á gönguleiðsögn, sjá listann hér fyrir neðan.

Afþreying fyrir börnin á Vesturlandi

Fyrir þig sem ferðast með börn höfum við valið þá sem bjóða sérstaklega eitthvað fyrir börnin, eða barnið í þér.
Dragðu fram það besta fyrir börnin og skoðaðu möguleikana hér fyrir neðan.