Heimsókn í Sögumiðstöðina í Grundarfirði er upplifun þar sem nostalgían tekur völd.
Þar lifnar sagan þegar sagnafólk leiðir þig inn í sýningar um líf alþýðufólks á síðustu öld. Fólks sem barðist úr sárri fátækt til nútímalegs samfélags. Minningar vakna um afa og ömmu og skyggnst er inn í lífið í sveitinni og í litlu þorpi við sjóinn.
Ólátagerði er fyrir börnin þar sem þau fá að leika sér og læra um gömul leikföng og skoða Þórðarbúð, fyrsta leikfangasafnið á Íslandi. Þar sem allir verða börn.
Sögumiðstöðin er einnig svæðismiðstöð fyrir upplýsingar um allt er viðkemur ferðaþjónustu í nágrenninu.
Kaffi Emil er í Sögumiðstöðinni og þar er einnig internetaðgangur.