Snæfellsjökull sést víða að.
570
360, Hellissandur
Snæfellsjökull er eldkeila sem hefur myndast við mörg gos úr sama kringlótta opinu.
Snæfellsjökull er enn virkur, rekja má gossögu hans 700 þúsund ár aftur í tímann.
Flest gosin hafa orðið í toppgígnum og ýmist verið sprengigos eða hraungos. Frá ísaldarlokum hefur gosið yfir 20 sinnum í og við jökulinn.
Þrjú gosanna voru mikill þeytigos, fyrir 8000 árum, 4000 árum og 1750 árum.
Háahraun er lítil tota af síðast nefnda hrauninu sem hylur mestalla suðurhlíð Snæfellsjökuls. Flatmál hans er 11 km2 og hann er 1446 m hár en jökullinn minnkaði um helming á síðustu öld. Gígskálin er um 200 m djúp, hæsti hluti jökulsins er suður- og austurbarmur hennar.
Hæst bera jökulþúfurnar þrjár; syðst og vestust er Vesturþúfa (1442 m), nokkru norðar og austar Miðþúfa (1446 m) en fyrir norðan og austan hana er Norðurþúfa (1390 m).
Frá Reykjavík sjást Miðþúfa og Vesturþúfa. Eggert Ólafsson og Bjarni Pálsson voru fyrstir til að ganga á jökulinn. Þeir gengu frá Ingjaldshóli 1. júlí 1754.
Gönguleiðin frá Stapafelli vinsælust. Gengið til vesturs frá Náttmálahnjúk, fylgja má skriðum í 1200 m hæð og ganga þaðan beint á tindinn yfir lítt sprunginn jökulinn. Einnig er hægt að ganga upp frá norðanverðu Snæfellsnesi, frá Ingjaldshóli, Hellissandi, Ólafsvík eða Eysteinsdal. Frá rótum Stapafells 6 klst. Frá Jökulhálsi 3-4 klst.
Boðið upp á snjóbíla- og snjósleðaferðir á jökulinn frá Arnarstapa.