Upplýsingamiðstöðvar

Góð ferð skilur eftir góðar minningar.

Heimsókn á upplýsingamiðstöð er vel þess virði því þar er að finna upplýsingar um hvaðeina sem í boði er ýmist á landsvísu eða í nærumhverfi.

Upplýsingamiðstöðvar eru með lista yfir alla þjónustustaði, afþreyingamöguleika, viðburði og náttúruperlur, sem ef til vill ekki allir vita um.

Upplýsingamiðstöðvar á Íslandi eru flokkaðar eftir því hversu mikla þjónustu þær veita. Landshlutamiðstöð er í hverjum fjórðungi, þær veita upplýsingar um ferðaþjónustu á landsvísu, slík miðstöð er í Hyrnutorgi í Borgarnesi og er opin allt árið. Auk landshlutamiðstöðvar í Borgarnesi eru sex svæðismiðstöðvar sem veita upplýsingar um sitt nærumhverfi.

Upplýsingamiðstöð Vesturlands í Borgarnes og Snorrastofa í Reykholti eru opnar allt árið en aðrar upplýsingamiðstöðvar eru einungis opnar yfir sumarmánuðina.

Opnunartími upplýsingamiðstöðva er að finna í listanum hér að neðan.