Vesturland

Tónmilda Ísland
Sannarlega einstök upplifun, sem stendur matargestum til boða án endurgjalds. Íslensk tónlist og íslenskar náttúrumyndir eru settar saman af einstakri natni og smekkvísi og það verður skiljanlegt hversvegna tónlist og náttúra eiga sér bústað hlið við hlið í íslenskri þjóðarsál. Þetta er sýning sem ekki verður lýst með orðum en stendur undir því að vera hrífandi og skemmtileg og sannarlega  þess virði að uplifa. Sýningartími 24 mínútur.

Söguvettvangurinn í Fossatúni
Þá er skylda að kíkja út á pall og njóta hins óviðjafnanlega útsýnis yfir Tröllafossa og til Skessuhorns. Heilsa upp á tröllkonuna sem þar stendur vaktina. Í maí n.k. munum við opna Söguvettvanginn í Fossatúni, en þar mun gestum gefast kostur á að ganga léttann gönguhring um söguvsviðið sögunnar Tryggðatröll og læra að auki ýmislegt annað um náttúrna og tröll. Þarna verður að finna skilti með myndum og texta úr sögunni, muni s.s. vörðu með handafari Drífu, fornt leiksvæði barna með bustabæ o.fl. Þá verður gerður ratleikur í tengslum við söguhringinn o.fl. sem gerir þetta að beinum tengslum við sögu og náttúru og eftirminnilega upplifun.

Fleiri upplýsingar á vefsíða http://www.fossatun.is

Fosshótel Reykholt er menningartengt 3ja stjörnu ferðamannahótel sem byggir á þríþættu þema: norrænni goðafræði, íslenskum bókmenntum og klassískri tónlist. Hótelið var nýlega enduropnað eftir víðtækar breytingar á húsnæðinu. Þar er móttaka, veitingastaðurinn Ásgarður, barinn Urðarbrunnur, bókstofa, internethorn, heitir pottar, tunglstofa, heilsusetur og frítt bílastæði.
Sérstaða hótelsins er heilsusetrið sem byggist á afslöppun og endurnæringu á líkama og sál. Vegleg ráðstefnuaðstaða er í boði fyrir allt að 150 manns. Öll herbergi, barir og veitingastaðir eru reyklaus svæði.

Hótel Hellnar er heimilislegt og kyrrlátt sveitahótel, sem býður uppá 20 2ja manna herbergi með uppbúnum rúmum, sér baði (wc/sturta) og sjónvarpi. Heimilisleg setustofa með sjónvarpi, DVD spilara og góðu bókasafni. Matsalur þar sem framreiddur er morgunverður (innifalinn í gistiverði), hádegisverður, kaffiveitingar og kvöldverður. Við erum við rætur Snæfellsjökuls, frá sólpöllunum sjást oft hvalir og gestastofa Þjóðgarðsins Snæfellsjökuls er í næsta húsi við okkur.

Hótel Hellnar hefur verið vottað af alþjóðlegu umhverfisvottunarsamtökunum GREEN GLOBE sem umhverfisvænn gististaður frá árinu 2002. Hótelið er fyrsta fyrirtæki í ferðaþjónustu á Íslandi til að hljóta slíka vottun. Hótelið hlaut Umhverfisverðlaun Ferðamálaráðs árið 2000 og aftur 2004, í síðara skiptið sem fyrirtæki innan Ferðaþjónustu bænda. Gestgjafi á Hótel Hellnum er Guðrún G. Bergmann.

Hótel Hellnar er aðili að Ferðaþjónustu bænda og All Senses Group klasasamstarfinu á Vesturlandi.