Ísland er með'etta!

[akranes_321Góðar stundir á Skaganum

Akranes er tilvalinn áfangastaður fyrir ferðafólk og þar er að finna marga áhugaverða staði og skemmtilega afþreyingu.

Langisandurinn er án efa ein flottasta baðströnd á Íslandi og þar er góð aðstaða fyrir almenning og sjósundfólk. Dagsdvöl á Skaganum á fallegum sumardegi tryggir tanið og hraustlegt útlit.

Í Garðalundi, við golfvöllinn, er Skógræktarsvæði Akurnesinga. Þar eru leiktæki og grillskáli og frábær aðstaða til þess að koma með fjölskylduna eða hópa og eiga góða stund saman. Í námunda við Garðalund er safnasvæðið, skemmtilegt og fræðandi. Þar finna fróðleiksfúsir einstaklingar á öllum aldri eitthvað við sitt hæfi.

Ganga á Akrafjall er kjörin fyrir spræka göngugarpa á öllum aldri, hvort sem farið er alla leið á toppinn eða í lautarferð inn í Berjadal.

Eftir annasaman og ánægjulegan dag er síðan kjörið að setjast niður á einhverjum veitingastaða bæjarins og njóta þeirra lystisemda sem þar eru í boði.

Viðburðir

31
ágú
Krásir í Kjós
31.08.13 - 31.08.13

Akranes mælir með

Náttúra

Sjórinn, fjaran og fjallið lýsa umhverfi Akraness best. Náttúruunnendur og útivistarfólk hefur úr nógu að velja á Akranesi og nágrenni en umhverfið er kjörið til gönguferða, fuglaskoðunar, reiðtúra, fjöruferða og annarrar útivistar.
Sjá nánar >

Saga og menning

Sjávarútvegur og sjósókn mótaði bæinn og mannlífið á Akranesi sem er í miklum blóma. Íþróttir og öflugt menningarlíf skipa stóran sess á Skaganum.
Sjá nánar >

Afþreying

Akranes er vinalegur bær og þar finna allir aldurshópar eitthvað við sitt hæfi allan ársins hring. Sýningar, tónleikar, útivist, íþróttir, strandlíf, afslöppun með fjölskyldunni eða vinahópnum - Akranes hefur upp á allt þetta og margt fleira að bjóða.
Sjá nánar >

Áhugavert

  • Langisandur

    Strandlengjan sem umvefur Akranes dregur fram sérstöðu og einkenni bæjarins. Þar er mikið og fjölbreytt fugla- og dýralíf enda má þar finna allar helstu fjörugerðir landsins. Þar á meðal er hin fallega sandfjara Langisandur sem er eitt vinsælasta útivistarsvæði Akurnesinga, og það ekki að ástæðulausu.
    Sjá nánar >

  • Breið

    Á Breiðinni, vestasta hluta Akraness, mæta brimbarðar klapparfjörur útgerðarsögu Akurnesinga. Þar standa tveir vitar sem eru opnir almenningi, sá eldri og minni er ávallt opinn og sá stærri er opinn eftir samkomulagi. Einnig er þar útsýnisskífa og listaverkið Hafmeyjan sem reist var til minningar um mannskætt sjóslys sem varð á þessum stað árið 1905.
    Sjá nánar >

  • Akrafjall

    Akrafjall er eitt þeirra fjalla sem er tiltölulega auðvelt að ganga á og hentar því fjölskyldufólki sérstaklega vel. Það þarf ekki mikla reynslu eða dýran útbúnað til að ganga á Akrafjall þó nauðsynlegur hlífðarfatnaður og lágmarks þrek verði að vera til staðar.
    Sjá nánar >
Til baka