Eitthvað fyrir alla!
Á Akranesi er margt skemmtilegt hægt að bralla allan ársins hring.
Garðalundur er í dag orðinn eitt helsta útivistarsvæðið á Akranesi og hefur stöðugt verið bætt við afþreyingarmöguleika. Þar eru m.a. leiktæki, strandblakvöllur, sparkvellir og nýlega var reistur þar grill- og útikennsluskáli.
Fuglalíf er fjölskrúðugt og fjörurnar við Akranes hrein uppspretta margvíslegra ævintýra. Þá er nauðsynlegt að heimsækja Safnasvæðið að Görðum sem er einn vinsælasti áfangastaðurinn á Akranesi, kíkja í Garðakaffi, skoða Kútter Sigurfara og þar er líka stærsta fingurbjargasafn á Íslandi.
Ekki er síður áhugavert að vafra um gamla miðbæinn kíkja í búðir og setjast inn á kaffi eða veitingahús.