Gistihús

Laxárbakki býður upp á gistingu í gistihúsi. Gistihúsið er steinsteypt hús með sjö svefnherbergjum, þar sem hægt er að velja milli þess að fá uppábúin rúm eða svefnpokapláss.  Sameiginlegt eldhús og stofa eru í húsinu, auk sameiginlegs baðherbergis.

Leiguíbúðir

Að Laxárbakka er hægt að leigja íbúðir í styttri sem og í lengri tíma. Íbúðirnar eru með öllum þeim þægindum sem krafist er í dag. Með hverri íbúð fylgir geymsla en sameiginlegt þvottahús er fyrir íbúðirnar. Svalir snúa í norður með útsýni er yfir bakka Laxár.

Íbúðirnar, sem eru stúdíóíbúðir, eru 33-47 fm að stærð og leigjast með öllu.  Í þeim er tvíbreytt rúm og svefnsófi og rúmar hver íbúð 3-4 einstaklinga. Eldhús, sem er samliggjandi stofu, er vel útbúið með öllu sem þarf til matseldar.  Sér baðherbergi með sturtu, sjónvarp og netaðgangur fylgir hverri íbúð.

Veitingar

Veitingarstaðurinn á Laxárbakka er opinn allt árið.  Á sumrin er boðið upp á sérstakan grillseðil og heimilismat, en á veturna er heimilismatur á matseðlinum.  Á Laxárbakka er einnig tekið á móti hópum og þá er matseðillinn sniðinn að óskum gesta.

Handverk

Íslenskt handverk til sölu.

Afþreying

Margvíslega afþreyingu er að finna í nágrenni Laxárbakka, svo sem sundlaugar, laxveiði, golf og gönguferðir.  Unnendur náttúru landsins geta til dæmis skoðað sig um í Hvalfirði, gengið að fossinum Glym í botni fjarðarins eða gengið á Akrafjall.  Þá má í nágrenninu finna nokkur söfn svo sem í Hvalfirði, á Akranesi, á Hvanneyri og í Borgarnesi.

Fylgstu með okkur á Facebook