Komdu í ævintýraferð með
Sögu og Jökli!
Á kortinu hér að neðan finnur þú 10 staði, þar sem Saga og álfastrákurinn Jökull lenda í allskonar óvæntum ævintýrum. Saga er níu ára stelpa sem elskar að ferðast með foreldrum sínum. Eitt sinn á ferðalagi hittir hún álfastrákinn Jökul, sem stundum birtist óvænt og stundum þarf Saga að bíða eftir honum leeengi.
Á þessum stöðum er tekið sérstaklega vel á móti öllum krökkum eins og þér. Þegar þú kemur á fyrsta staðinn færðu fallega möppu. Á hverjum stað færðu svo eina sögu um ævintýri Sögu og Jökuls í möppuna þína og stimpil sem sannar að þú varst þarna líka. Þegar þú færð fimmta stimpilinn, færðu litla gjöf - og svo aðra gjöf þegar stimplarnir eru orðnir tíu. Til að fá möppu, stimpil, sögu og gjafir, þarf að kaupa þjónustu á stöðunum. Þú safnar sögunum í möppuna þína svo þú getir lesið þær aftur og aftur.